လုံခြုံရေးအခြေအနေကြောင့် ဒုက္ခသည်များ အိမ်မပြန်နိုင်သေး

ပဋိပက္ခတွေ ဖြစ်ပွားခဲ့တာ ၁ လလောက် ကြာခဲ့ပြီဖြစ်ပေမယ့် မိတ္ထီလာမြို့ ဒုက္ခသည် စခန်း နေ ပြည်သူတွေ အိမ်ပြန်ချင်ကြ ပြီဖြစ်ပေမယ့် လုံခြုံရေး အခြေအနေကြောင့် ပြန်လို့ မရသေးပါဘူး။

သူတို့တွေ အိမ်ပြန် နေချင်ကြပြီ ဖြစ်ပေမယ့် သက်ဆိုင်ရာက စီစဉ်ရေးမှာ အကျပ်တွေ့နေတာကြောင့် အိမ်ပြန်လို့ မရ ဖြစ်နေကြတာပါ။

မိတ္ထီလာမြို့ အမှတ် ၃ အခြေခံပညာအထက်တန်းကျောင်းမှာ ခိုလှုံနေထိုင်နေတဲ့ ဦးခင်နန်းက သူတို့ အိမ်ပြန်နေချင်ပြီလို့ အခုလို ပြောပါတယ်။

“ကိုယ့်အိမ်ကိုယ့်ယာ ကိုယ့်မြေပဲလေ၊ ကျနော်တို့လည်း နိုင်ငံသားတွေပါ။ ၀န်ကြီးလည်း လာသွားတယ်လေ။ အားလုံး နိုင်ငံသားတွေပဲ၊ ကိုယ့်အိမ်ကိုယ်ပြန်ရမယ်။ ဒါပေမယ့် နည်းနည်းအေးချမ်းတဲ့ထိစောင့်ပေးပါပေါ့။ ကိုယ့်မိခင်အိမ်၊ မိခင်မြေကို ပျက်စီးမသွားဘူးဆိုရင် ပြန်ချင်ကြသူချည်းပဲ။ ဒါပေမယ့် လုံခြုံရေးအရတို့ ရှိနေသေးတယ်ဆိုတော့ ကျနော်တို့မှာ မပြန်ရသေးတာ။ ”

အိမ်ပြန်မနေရတာကလွဲရင် နေရေး၊ ထိုင်ရေး၊ စားရေးနဲ့ ကျန်းမာရေး အစစ ပြည့်စုံ လုံလောက်တယ်လို့ ပြောပါတယ်။

မိတ္ထီလာမြို့မှာ မီးရှို့ဖို့ လုပ်နေသူတွေ ရှိနေသေးပြီး နှစ်ဆန်း ၁ ရက်နေ့က ကြံစည် လုပ်ဆောင်ခဲ့တာ ရှိခဲ့တယ်လို့ မိတ္ထီလာမြို့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ဦးသီဟက ပြောပါတယ်။

“နှစ်ဆန်း ၁ ရက်နေ့ညနေမှာ ဓာတ်ဆီပေပါ ၄ ပေပါလောက်တွေ့တယ်။ နဂိုကလည်း အဲနေရာမှာ တွေ့ပြီးပြီ။ အုန်းလက်ခြောက်တွေ၊ ရေနံချေးတို့၊ ဒီမှာရှိတဲ့ အာဏာပိုင်တွေရော၊ အုပ်ချုပ်ရေးမှူးတွေရော ၀ိုင်းလိုက် လိုက်တာ လူကထွက်ပြေးသွားတယ်။ သင်္ကြန်အတက်နေ့ သပြေ၀ရွာမှာ မီးရှိူ့မှုတခုဖြစ်တယ်။ အိမ် ၁ အ်ိမ်ပါသွားတယ်။”

အခုလိုမျိုး မီးရှို့ဖို့ ကြံစည်လုပ်ဆောင်တာ ပဋိပက္ခဖြစ်ပြီးနောက်ပိုင်း ၈ ကြိမ်ထက်မနည်း ရှိခဲ့တယ်လို့လဲ ပြောပါတယ်။

မိတ္ထီလာမြို့က ဒုက္ခသည်တွေ အိမ်ပြန်ပို့ဖို့ ကိစ္စအတွက် တာဝန်ရှိသူတွေ အကျပ်တွေ့နေတယ်လို့ မိတ္ထီလာမြို့နယ် ပြည်သူ့လွှတ်တော်အမတ် ဦးဝင်းထိန်က ပြောပါတယ်။

“အခုက ညရေးညတာတွေမှာ မီးလန့်တာ၊ လုံခြုံရေးလန့်တာတွေက ရှိနေသေးတယ်။ ၁ ပတ်မှာ ၁-၂ ဖြစ်နေသေးတယ်။ အဲတော့ ပြန်ပို့ဖို့ အာဏာပိုင်တွေက တော်တော်စဉ်းစားနေရတယ်။ ကျနော်တို့လည်း ကူစဉ်းစားပေးနေရတယ်။ မဖြစ်မနေတော့ ပြန်ပို့ပေးမှာပါ။ အာဏာပိုင်တွေရော၊ ကျနော်တို့ရော ဦးနှောက်အတော်ခြောက်နေပါတယ်။”

ပျက်စီးသွားတဲ့အိမ်တွေကို လူမှုဝန်ထမ်းဝန်ကြီးဌာန အစီအစဉ်နဲ့ ပြန်ဆောက်ပေးဖို့ ရှိတဲ့ အကြောင်းလဲ ပြောပါတယ်။

မတ် ၂၀ ရက်နေ့က စတင်ဖြစ်ပွားခဲ့တဲ့ မိတ္ထီလာပဋိပက္ခအတွင်း လူ ၄၀ လောက် သေဆုံးပြီး လူဦးရေ ၁ သောင်းလောက် ဒုက္ခသည်စခန်းတွေမှာ ခိုလှုံနေထိုင်နေကြရတာ ဖြစ်ပါတယ်။

Read more »

ဆိုက်ပရပ်စ် ရွှေထုတ်ရောင်းတဲ့ ဂယက် မြန်မာဈေးကွက် လာရိုက်

Share on facebookShare on twitterShare on email

ရန်ကုန်မြို့ရှိ ရွှေဆိုင်တစ်ဆိုင်မှ ရောင်းချရန် ပြသထားသည့်ရွှေများ 

ကမ္ဘာ့ရွှေဈေးနှုန်းများ ထိုးကျနေမှုကြောင့် သင်္ကြန်ကာလအပြီး ယနေ့ပြန်လည် ဖွင့်လှစ်လိုက်သော မြန်မာ့ရွှေ ဈေးကွက်တွင် အခေါက်ရွှေ တကျပ်သားလျှင် ငွေကျပ် ၈၀၀၀၀ (ရှစ်သောင်း) ကျော် ဈေးကွာ ထိုးဆင်းသွားပြီး ၀ယ်သူ ရောင်းသူ များဖြင့် ဈေးကွက်လှုပ်ရှားနေကြောင်း ဈေးကွက်အတွင်းမှ စုံစမ်းသိရှိရသည်။

သင်္ကြန်ကာလမတိုင်ခင်က  ၁၆ ပဲရည် အခေါက်ရွှေတကျပ်သားလျှင် ကျပ်ငွေ ၇၄၀၀၀၀ (ခုနစ်သိန်းလေးသောင်း)  ကျော်ရှိခဲ့ပြီး အရောင်း အ၀ယ် မရှိဖြစ်ခဲ့ကြောင်း၊ ယနေ့ နှစ်ဆန်း ၂ ရက်နေ့ ရွှေဈေးကွက်များ ပြန်လည်ဖွင့်လှစ်ချိန် အခေါက်ရွှေ တကျပ်သားလျှင် ၆၆၈၅၀၀ (ခြောက်သိန်းခြောက်သောင်း ရှစ်ထောင့်ငါးရာ) ကျပ်ဖြင့် ဈေးဖွင့်ခဲ့ပြီး ညနေပိုင်းတွင် ၆၇၃၀၀၀ (ခြောက်သိန်းခုနစ်သောင်း သုံးထောင်) ဈေးပေါက်သောကြောင့် သင်္ကြန်မတိုင်မီ ပေါက်ဈေးနှင့် ယှဉ်လျှင် မြန်မာ့ရွှေဈေးနှုန်းသည်  တကျပ်သားလျှင် ငွေကျပ် ၈၀၀၀၀ ကျော် ထိုးဆင်းသွားခဲ့သည်။

“ပြည်တွင်းရွှေဈေးနှုန်းက ကမ္ဘာ့ရွှေဈေးကို မူတည်ပြီးဖြစ်ပေါ်နေတာ။ အခု ကမ္ဘာ့ရွှေဈေးတွေ ထိုးဆင်းတော့ မြန်မာ့ရွှေဈေးလည်း လိုက်ဆင်းတယ်။ အခေါက်ရွှေ တကျပ်သားကို ၈၀၀၀၀ လောက်အထိကို ထိုးဆင်းသွားတာ။ အရင် အခေါက် တကျပ်သားကို ခုနစ်သိန်းခွဲလောက် ရှိနေရာကနေ ခြောက်သိန်း ခြောက်သောင်းလောက် အထိကို ဈေးတွေ ထိုးဆင်းတာ” ဟု ရန်ကုန်တိုင်း ရွှေလုပ်ငန်းရှင်များအသင်းမှ အထွေထွေ အတွင်း ရေးမှူး ဦးဝင်းမြင့် က ပြောသည်။

ကမ္ဘာ့ရွှေဈေးနှုန်းများ  ကျသွားရခြင်း၏ အဓိက အကြောင်းအရင်းမှာ ဆိုက်ပရပ်စ်နိုင်ငံတွင် ဘဏ္ဍာရေးနှင့် ငွေကြေး အကျပ်အတည်းများကြောင့် ရွှေတန်ချိန်ပေါင်း မြောက်မြားစွာ ထုတ်ရောင်းခဲ့ခြင်းကြောင့် ဖြစ်ကြောင်း မြန်မာနိုင်ငံရွှေလုပ်ငန်း ရှင်များအသင်းနှင့် ရန်ကုန်တိုင်းဒေသကြီး ရွှေလုပ်ငန်းရှင်များ အသင်းမှ တာဝန်ရှိသူများက ဆိုကြသည်။

ဘဏ္ဍာရေး အကျပ်အတည်းများကြောင့် ရွှေများ ဆိုက်ပရက်စ်နိုင်ငံက ဒေါ်လာသန်း ၅၀၀ ဖိုး ထုတ်ရောင်းရန် ရာထားထားရာ အခြား အကြပ်ဆိုက် ဥရောပနိုင်ငံများကလည်း ရွှေ ထုတ်ရောင်းရန် စဉ်းစား သုံးသပ်လာကြသောကြောင့် နှစ်ပေါင်း ၃၀ အတွင်း ကမ္ဘာ့ ရွှေဈေးနှုန်း များ စံချိန်တင်ကျဆင်းခဲ့ကြောင်း၊ ဧပြီလ ၁၀ ရက်နေ့က ကမ္ဘာ့ရွှေ တအောင်စလျှင် အမေရိကန် ဒေါ်လာ ၁၅၅၈ ဒသမ ၃၈ ရှိခဲ့ရာမှ ဧပြီလ ၁၂ ရက်နေ့တွင် ရွှေတအောင်စ လျှင် အမေရိကန် ဒေါ်လာ ၁၃၃၈ အထိ အနိမ့်ဆုံး ရောက်ရှိခဲ့ကြောင်း နိုင်ငံတကာ သတင်းများတွင် ဖော်ပြထားသည်။

ရွှေဈေးနှုန်းများ ထိုးကျမှုနှင့်အတူ ၀ယ်သူ၊ ရောင်းသူများဖြင့် ဈေးကွက်စည်ကားနေပြီး အထူးသဖြင့် ရွှေဝယ်သူ များပြားကြောင်း၊ ထို့ပြင် ရန်ကုန်ရွှေဈေးနှုန်းသည် နယ်စပ်ဒေသမှ ရွှေဈေးနှုန်းများထက် မြင့်မားနေသဖြင့် နယ်စပ်ဒေသများမှ ရွှေများ ပြည်တွင်းရွှေဈေးကွက်သို့ ပြန်လည် ၀င်ရောက်လျက် ရှိကြောင်း မြန်မာနိုင်ငံ ရွှေလုပ်ငန်းရှင်များ အသင်းမှ ရွှေကုန်သည်တဦးက ဆိုသည်။

“ရောင်းတဲ့သူလည်း ငွေလိုတော့ ထုတ်ရောင်းတယ်။ ၀ယ်တဲ့သူတွေကလည်း ဈေးကျနေတဲ့အချိန် တချိန် ဈေးတက်မှာပဲဆိုပြီး ၀ယ်ကြတယ်။ အခုလက်ရှိ ရန်ကုန်မှာ ဖြစ်ပေါ်နေတဲ့ အခေါက်ရွှေဈေးနှုန်းက နယ်စပ်ဒေသက ရွှေဈေးနှုန်းထက် တကျပ်သားကို ၂၀၀၀၀ ကျော် ဈေးမြင့်နေတော့ နယ်စပ်ဒေသက ရွှေတွေ  ရန်ကုန်နဲ့ မန္တလေးဈေးကွက် ကို ပြန်ဝင်နေတယ်” ဟု အဆိုပါ ရွှေကုန်သည်က ဆိုသည်။

ရွှေဈေးနှုန်းများ ထိုးကျနေချိန် အမေရိကန်နှင့် မြန်မာငွေလဲလှယ်နှုန်းထားတွင် အမေရိကန်ဒေါ်လာတန်ဖိုး ပြန်လည်မြင့်တက်နေပြီး သင်္ကြန်ကာလမတိုင်မီက အမေရိကန်တဒေါ်လာ ၈၈၀ ကျပ်ဝန်းကျင်ရှိခဲ့ရာမှ ယနေ့ ဈေးကွက်ပြန်လည်ဖွင့်လှစ်ချိန်တွင် အမေရိကန်တဒေါ်လာလျှင် ၈၉၅ ကျပ် ရှိကြောင်း သိရှိရသည်။

စီးပွားရေးပညာရှင်အချို့ကမူ ရွှေဈေးကျဆင်းမှုသည် ပြည်သူအများစုအပေါ် သက်ရောက်မှုနည်းသော်လည်း အမေရိကန်ဒေါ်လာတန်ဖိုးမြင့်တက်မှုသည် သွင်းကုန်ဈေး မြင့်တက်စေပြီး ကုန်ဈေးနှုန်းမြင့်တက်မှုကိုပါ ဖြစ်ပေါ်စေနိုင်ကြောင်း သုံးသပ်ပြောဆိုသည်။

Read more »

ဗိုလ်ချုပ်မှူးကြီး မင်းအောင်လှိုင်ကို သက်ဆင် သင်္ကြန် အတာရေလောင်း

Share on facebookShare on twitterShare on email

ဗိုလ်ချုပ်မှူးကြီး မင်အောင်လှိုင်ကို မစ္စတာ သက်ဆင် အတာရေ လောင်းနေစဉ် (ဓာတ်ပုံ – Thaksin / Facebook)

ထိုင်းဝန်ကြီးချုပ်ဟောင်း မစ္စတာ သက်ဆင်ရှင်နာဝပ်က သင်္ကြန်အကြတ်နေ့ မြန်မာပြည်ကို ရောက်လာခဲ့ပြီး တပ်မတော် ကာကွယ် ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ တွေ့ဆုံတယ်လို့ သူ့ရဲ့ ဖေ့စ်ဘုတ်ခ်မှာ ဖော်ပြထားပါတယ်။

မစ္စတာသက်ဆင်ဟာ တရုတ်ပြည် ဟူနန်ပြည်နယ်က တဆင့် လေယာဉ်နဲ့ မန္တလေးမြို့ကို ရောက်ရှိလာတာဖြစ်ပြီး ဗိုလ်ချုပ်မှူးကြီး မင်းအောင်လှိုင်နဲ့ ပြင်ဦးလွင်(မေမြို့)မှာ တွေ့ဆုံကြတာ ဖြစ်ပါတယ်။

မေမြို့က နှစ်တရာကျော် သက်တမ်းရှိ ကိုလိုနီခေတ် ဘုရင်ခံအိမ်တော်မှာ ညအိပ်နားနေခဲ့ပြီး သင်္ကြန်အတက်နေ့မှာတော့ ဗိုလ်ချုပ် မှူးကြီး မင်းအောင်လှိုင်ကို အတာရေ ပက်ဖြန်းခဲ့သေးတယ်လို့လည်း မစ္စတာသက်ဆင် က ရေးသားထားပါတယ်။

ဗိုလ်ချုပ်မှူးကြီး မင်းအောင်လှိုင်နဲ့ ဘာအကြောင်းအရာတွေ ဆွေးနွေးကြတယ်ဆိုတာတော့ ဖော်ပြထားခြင်း မရှိပါဘူး။

မန္တလေးမြို့ဟာ အလွန်ပူပြင်းပေမယ့် မေမြို့ကတော့ ရာသီဥတု အလွန်ကောင်းမွန်ပြီး နေထိုင်ရတာ နှစ်သက်စရာ ဖြစ်တယ်၊ ရုက္ခဗေဒ ဥယျာဉ်ကိုလည်း သွားရောက်လေ့လာခဲ့တယ်လို့ ဆိုပါတယ်။

မစ္စတာသက်ဆင် တည်းခိုခဲ့တဲ့ ဘုရင်ခံ နွေရာသီ အိမ်တော်ဟာ အခုအခါမှာတော့ စီးပွားရေး လုပ်ငန်းရှင် ဦးတေဇက ၀ယ်ယူပြီး ဆက်လက် ထိန်းသိမ်းထားပါတယ်။

ဗိုလ်ချုပ်မှူးကြီး မင်းအောင်လှိုင်နဲ့ အတူ တခြားသော မြန်မာစစ်ဘက် ထိပ်တန်းခေါင်းဆောင်တွေ ပါဝင်တယ် မပါဝင်ဘူး ဆိုတာ မသိရပေမယ့် တပ်မတော် ထိပ်တန်း ခေါင်းဆောင်တချို့ကိုတော့ သင်္ကြန်ကာလ အနားယူခွင့်မပေးဘဲ၊ အသင့်အနေအထားရှိစေ တယ်လို့ စစ်တပ် အသိုင်းအ၀ိုင်းက ဆိုပါတယ်။

အခုနှစ် မြန်မာ့ရိုးရာ အတာသင်္ကြန်မှာ သမ္မတ ဦးသိန်းစိန် အပါအ၀င် အစိုးရ ထိပ်တန်းခေါင်းဆောင်တွေနဲ့ ဒုတိယ ကာကွယ်ရေး ဦးစီးချုပ် ဒု ဗိုလ်ချုပ်မှူးကြီး စိုးဝင်း တို့ရဲ့ အတာရေသဘင် ဆင်နွှဲနေတဲ့ ဓာတ်ပုံတွေကို အစိုးရ သတင်းစာတွေမှာ ဖော်ပြပေမယ့် ဗိုလ်ချုပ်မှူးကြီး မင်းအောင်လှိုင် ကိုတော့ မတွေ့ရပါဘူး။

လေ့လာသူတွေက ဗိုလ်ချုပ်မှူးကြီး မင်းအောင်လှိုင်နဲ့ ထိုင်းဝန်ကြီးချုပ်ဟောင်း သက်ဆင်ရှင်နာဝပ်တို့ နှစ်ဦး အခုလိုတွေ့ဆုံတာကို ထူးခြားမှုတခုလို့ မှတ်ချက်ပြုပါတယ်။

မစ္စတာ သက်ဆင်ဟာ ပြီးခဲ့တဲ့လအတွင်းကလည်း  ကိုယ်ပိုင်လေယာဉ်နဲ့ ရန်ကုန်မြို့က တဆင့် ထားဝယ်မြို့ကို သွားရောက်ပြီး ရေ နက် ဆိပ်ကမ်း စီမံကိန်းကို လေ့လာခဲ့ပါသေးတယ်။

အာဏာရှိစဉ်က မြန်မာစစ်ဗိုလ်ချုပ်တွေနဲ့ ရင်းနှီးခဲ့တဲ့ မစ္စတာ သက်ဆင်ဟာ ညီမဖြစ်သူ လက်ရှိ ၀န်ကြီးချုပ် ယင့်လပ် ရှင်နာဝပ် အာဏာ ရခါစကလည်း မြန်မာနိုင်ငံကို သွားရောက်ခဲ့ပါသေးတယ်။

အဲဒီခရီးစဉ်မှာ ဗိုလ်ချုပ်မှူးကြီးဟောင်း ဦးသန်းရွှေနဲ့ သမ္မတ ဦးသိန်းစိန်တို့ကို တွေ့ဆုံပြီး နှစ်နိုင်ငံ နိုင်ငံရေး၊ စီးပွားရေးတွေ ဆွေးနွေး ခဲ့တယ်လို့လည်း သတင်းတွေ ထွက်ပေါ်ခဲ့ပါသေးတယ်။

မစ္စတာသက်ဆင်ဟာ ၂၀၀၁ ခုနှစ်က ၀န်ကြီးချုပ် တာဝန်စတင်ယူခဲ့ပြီး ၂၀၀၆ ခုနှစ်မှာတော့ စစ်တပ်က အာဏာသိမ်းခဲ့တဲ့အတွက် ပြည်ပကို တိမ်းရှောင် နေခဲ့ရတာ ဖြစ်ပါတယ်။

Read more »

ဘင်္ဂလာဒေခ်ျ့တွင် ရခိုင်သချိုင်း အလုခံရ

ဘင်္ဂလာဒေခ်ျ့ နိုင်ငံ အ၀ကျွန်းဒေသမှ ရခိုင်သချိုင်းမြေ တစ်ခုအား ဒေသအတွင်းမှ အာဏာရှိသူ လူတစ်စုမှ လုယူရန် ကြိုးစားနေကြောင်း ယခုလ ၁၄ ရက်နေ့ထုတ် The Daily Star သတင်းစာတွင် ဓါတ်ပုံနှင့် တကွ သတင်း ဖေါ်ပြသည်။

လုယူခံရသော သချိုင်းနှင့် စိုက်ထူထားသော မှတ်တိုင်ကို တွေ့ရစဉ်။ 

ဧပြီလ ၆ ရက်နေ့က Jalal ဆိုသူ ဦးဆောင်သော လူပေါင်း ၂၀ နှင့် ၂၅ ခန့်ပါဝင်သော ဒေသခံ ဘင်္ဂလီ လူအုပ်စု တစ်ခုသည် ရခိုင်အခေါ် ရွာသစ်ချေ ကျေးရွာရှိ ရခိုင်လူမျိုးများ ပိုင်ဆိုင်သော သချိုင်း အလယ်တွင် အဆိုပါ မြေအား သူတို့ပိုင်ကြောင်း အမှတ်အသားပြု ကျောက်တိုင် တစ်ခုအား လာရောက်စိုက်ထူခဲ့သည်ဟု ဆိုသည်။

ရခိုင်အမျိုးသားများပိုင် သင်္ချိုင်းမှာ Done မြစ်ကမ်းနားတွင် တည်ရှိပြီး အကျယ်အ၀န်းမှာ 0.22 ဧက ကျယ်ဝန်းပြီး ၁၉၆၅ ခုနှစ်ကတည်းက ဒေသခံ ရခိုင်များက သချိုင်း အဖြစ် အသုံးပြုလာနေသော နေရာ ဖြစ်ကြောင်း သတင်းစာတွင် ဖေါ်ပြသည်။

ထိုသို့ မှတ်တိုင်စိုက်ပြီးနောက် သချိုင်းမြေအား တူးဖေါ်ရာ ရခိုင်ကျေးရွာသာများက ၀ိုင်းဝန်း ကန့်ကွက် ခဲ့ကြသည်ဟု ဆိုသည်။

သတင်းစာတွင် ရခိုင်အမျိုးသား Momothe ဆိုသူကို ကိုးကားပြီး ဖေါ်ပြရာတွင် သချိုင်းမြေ အမှတ်မှာ ၃၂၀ ဖြစ်ပြီး သချိုင်းမြေ 0.22  အထဲမှ 0.12 ဧကကို Kalapara မြို့နယ် မြေစာရင်း ဦးစီးဌာနမှ Jalal ဆိုသူကို တရားမ၀င် ဌားရမ်းခွင့်  ထုတ်ပေးခဲ့သည်ဟု ဆိုသည်။

အဆိုပါ ဒေသရှိ Tiakhali ကျေးရွာအုပ်စုမှ အ၀ါမီလိဂ် ပါတီ ဥက္ကဌဟောင်း Syed Akhtaruzzaman ခေါ် Kokka Mira ဆိုသူမှ Jalal ဆိုသူနှင့်  မတရား တိတ်တဆိတ် ပူပေါင်းပြီး ရခိုင်သချိုင်းအား သိမ်းယူရန် ကြံစည်ကြိုးစားနေသည်ဟု Momothe က ပြောကြောင်း သတင်းစာက ရေးသားသည်။

သချိုင်းမြေပေါ်တွင် မှတ်တိုင် စိုက်ပြီးနောက် နောက်တစ်နေ့တွင် Momothe ဆိုသူမှ ရခိုင် ကျေးရွာသားများ ကိုယ်စား ပေါတာဝါခါလီ ခရိုင် ကော်မရှင်နာ မင်းကြီးထံ စာရေးသား တိုင်ကြားပြီး ရခိုင်သချိုင်းမြေအား မတော်မရား လုယူသူများ လက်ထဲမှ ကာကွယ်ပေးရန် တောင်းဆိုခဲ့သည်။

ထိုသို့ တိုင်ကြားပြီးနောက် ဥက္ကဌဟောင်း  Kokka Mira ဦးဆောင်သော လူ ၁၀ နှင့် ၁၂ ဦးခန့်သည် မော်တော်ဆိုင်ကယ် သုံးလေးစီးဖြင့် အဆိုပါ ရခိုင်အမျိုးသားများ နေထိုင်ရာ ကျေးရွာများသို့ ရောက်ရှိလာပြီး တိုင်ကြားထားခြင်းကို ရုတ်သိမ်းရန်နှင့် အကယ်၍ မရုတ်သိမ်းပါက သချိုင်းကို လုံးဝ ဖျက်ဆီးပစ်မည်ဟု ခြိမ်းခြောက် ပြောဆိုခဲ့သည်ဟု ဆိုသည်။

Jalal မိသားစုများ အဆိုအရ ရခိုင်သချိုင်းမြေထဲမှ  0.12 ဧကကို ဒေသအတွင်းရှိ မြေစာရင်းဌာနမှ Jalal နှင့် သူ၏ ဇနီးဖြစ်သူ Jharna Brgum နာမည်ဖြင့် ဌားရမ်းခဲ့သည်ဟု ဆိုသည်။ သို့သော်  သချိုင်းမြေကို ရှင်းလင်း တူးဖေါ်ရာ ရခိုင်ရွာသားများက ကန့်ကွက်နေကြသည်ဟု ဆိုသည်။

နိရဉ္စရာက အဆိုပါ သချိုင်းမြေကိစ္စကို ဒေသခံများအား မေးကြည့်ရာ ယမန်နေ့က ခရိုင် ကော်မရှင်နာ မင်းကြီးမှ ဆုံးဖြတ်ချက်ပေးမည်ဟု ပြောကြားသော်လည်း ယခုအချိန်ထိ ဆုံးဖြတ်ချက် ထွက်မလာသေးကြောင်း၊ ရွာသားများ အနေဖြင့် သချိုင်းမြေ ဆုံးရှုံးမည်ကို စိုးရိမ်နေကြသလို တိုက်ခိုက်ခံရမည်ကိုလည်း  ပူပင် စိုးရိမ်နေကြကြောင်း ပြောကြားသည်။

Read more »

အဓိကရုဏ်းတွေမှာ အာဏာပိုင်တချို့ ပတ်သက်မှုရှိတယ်လို့ ကုလအထူးကိုယ်စားလှယ်ပြော

 

• ပုံနှိပ်ပါ
• ရှယ်ပါ
• မှတ်ချက်ပေးပါ
• အီးမေးလ်

ရန်ကုန်အပြည်ပြည်ဆိုင်ရာ လေဆိပ်တွင် သတင်းစာရှင်းလင်းပွဲ လုပ်နေတဲ့ ကုလသမဂ္ဂ လူ့အခွင့်အရေး အထူးကိုယ်စားလှယ် Tomas Ojea Quintana ပုံ

photo: RFA/ Nay Thwae

လတ်တလောဖြစ်ပွားနေတဲ့ မူဆလင်နဲ့ ဗုဒ္ဓဘာသာဝင်တွေအကြား အကြမ်းဖက်တိုက်ခိုက်မှု တချို့မှာ အာဏာပိုင်တွေ ပါဝင်ပတ်သက်မှု တစ်စုံတစ်ရာရှိတယ်ဆိုတဲ့ သတင်းပေးပို့ချက်တွေ မိမိရရှိကြောင်း မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် Tomas Ojea Quintana က မနေ့က ပြောလိုက်ပါတယ်။

စနစ်တကျဖွဲ့စည်းထားတဲ့ လူအုပ်စုက အကြမ်းဖက်ဖျက်ဆီးနေတာကို ရဲတပ်ဖွဲ့၊ စစ်တပ်နဲ့ အရပ်ဖက်အုပ်ချုပ်ရေးဆိုင်ရာ အာဏာပိုင်တချို့က သူတို့မျက်စိရှေ့မှောက်မှာ ဖြစ်ပျက်နေတာကို ရပ်ကြည့်နေတယ်ဆိုတဲ့ သတင်းတွေရရှိကြောင်း မစ္စတာ Quintana က ပြောလိုက်ပါတယ်။

မိတ္ထီလာမြို့မှာ ဖြစ်ပွားခဲ့တဲ့ အရေးအခင်းအပါအဝင် လတ်တလော ပေါ်ပေါက်နေတဲ့ကိစ္စတွေနဲ့ ဆက်စပ်ပြီး တာဝန်ရှိသူတွေက ရဲရဲဝံ့ဝံ့ကိုင်တွယ်ဖို့ သမ္မတဦးသိန်းစိန်က မနေ့က အမိန့်ပေးညွှန်ကြားလိုက်ပြီးနောက်မှာ လူ့အခွင့်အရေး အထူးကိုယ်စားလှယ်က ပြောလိုက်တာဖြစ်ပါတယ်။

လက်ရှိဖြစ်နေတဲ့ အကြမ်းဖက်မှုတွေ တခြားနေရာတွေကို မပြန့်နှံ့သွားအောင် အစိုးရအနေနဲ့ အမြန်ဆုံးအရေးယူပေးဖို့နဲ့ အကြမ်းဖက်မှုဖြစ်စဉ်တွေမှာ လူ့အခွင့်အရေး ချိုးဖေါက်မှုကျူးလွန်ခဲ့တဲ့ စစ်တပ်နဲ့ ရဲတပ်ဖွဲ့က အပြစ်ကျူးလွန်သူတွေကို အရေးယူပေးဖို့ကိုလည်း မစ္စတာ ကင်တားနားက တောင်းဆိုထားပါတယ်။

မစ္စတာကင်တားနားရဲ့ ပြောဆိုချက်ဟာ မမှန်ကန်ကြောင်း အဲဒီလိုပြောဆိုချက်တွေကို လုံးဝငြင်းပယ်ကြောင်း သမ္မတဦးသိန်းစိန်ရဲ့ ပြောရေးဆိုခွင့်ရှိသူ ဒုတိယဝန်ကြီး ဦးရဲထွဋ်က သူ့ရဲ့ဖေ့စ်ဘွတ်စာမျက်နှာမှာ ဖေါ်ပြထားပါတယ်။

မစ္စတာကင်တားနားအနေနဲ့ မြေပြင်အခြေအနေတွေကို မှန်မှန်ကန်ကန်လေ့လာမှုမရှိပဲ တဆင့်ကြားသတင်းများကိုသာ အခြေပြုပြောကြားနေခြင်းဟာ အခြေအနေကို ထိန်းသိမ်းနိုင်အောင် ဝိုင်းဝန်းကြိုးပမ်းဆာင်ရွက်နေတဲ့ အစိုးရ၊ လုံခြုံရေးဆိုင်ရာအဖွဲ့အစည်းများ၊ သာသာရေးခေါင်းဆောင်များ၊ လူမှုအဖွဲ့အစည်းများရဲ့ လုပ်ဆောင်ချက်များကို မျက်ကွယ်ပြုရာရောက်တဲ့အတွက် ဝမ်းနည်းစရာဖြစ်ကြောင်း ဦးရဲထွဋ်က ပြောထားပါတယ်။

Read more »

ဝန်ကြီးဌာနများ၏ အဆင့်မြင့်အရာရှိကြီးအချို့ တာဝန်မှ ရပ်စဲ၊ ဌာနလွှဲပြောင်းလိုက်

ရန်ကုန် (မဇ္ဈိမ)။   ။ အစိုးရ ဝန်ကြီးဌာနအချို့မှ အဆင့်မြင့် အရာရှိကြီးများအပါအဝင် အရာရှိ ၅၀ ကျော်ကို မတ်လ ၂၈ ရက်နေ့တွင် တာဝန်မှ ရပ်စဲကာ အငြိမ်းစားပေးလိုက်ပြီး အချို့ကို ဌာနလွှဲပြောင်း တာဝန်ပေးလိုက်ကြောင်း အစိုးရ ဌာနများနှင့် နီးစပ်သည့် အသိုင်းအဝိုင်း မှတဆင့် သိရသည်။

“မြန်မာနိုင်ငံရဲ့ အသွင်ကူးပြောင်းရေး လုပ်ငန်းကိုင်ငန်းတွေမှာ လိုက်ပါ မဆောင်ရွက်နိုင်သူတွေကို အငြိမ်းစား
ပေးလိုက်တဲ့ သဘောပါ။ ဝန်ကြီးဌာန ပေါင်းစုံက ညွှန်ကြားရေးမှူးချုပ်နဲ့ ဒုတိယ ညွှန်ကြားရေးမှူး အဆင့်တွေ အပါအဝင် စုစုပေါင်း ၅၂ ဦးကို အငြိမ်းစားပေးလိုက်တယ်လို့ ကြားပါတယ်။ Reform (ပြုပြင်ပြောင်းလဲ) လုပ်တာမျိုးပါ” ဟု အစိုးရဌာနနှင့် နီးစပ်သူ တဦးက ပြောကြားသည်။

ညွှန်ကြားရေးမှူးချုပ်အဆင့်မှ အငြိမ်းစားပေးခံရသူ ခြောက်ဦးနှင့် အထက် ရှိနေသည်ဟုဆိုသည်။

“စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ ကုန်သွယ်ရေး ဦးစီးဌာနက ဒုတိယ ညွှန်ကြားရေးမှူးချုပ် တဦးနဲ့ ညွှန်ကြားရေးမှူး တဦး၊ ပြည်တွင်း ကူးသန်းရောင်းဝယ်ရေးနှင့် စားသုံးသူ ကာကွယ်ရေးဌာန တို့က ညွှန်ကြားရေးမှူး ၆ ဦးတို့ကို အလုပ်သမားဝန်ကြီးဌာန၊ ယဉ်ကျေးမှုဝန်ကြီးဌာနနဲ့ သမဝါယမဝန်ကြီးဌာနတို့ကို ပြောင်းရွှေ့ တာဝန်ထမ်းစေပါတယ်” ဟု ၎င်းက ဆက်လက် ပြောကြားသည်။

ထိုသို့ အဆင့်မြင့် အရာရှိများအား တာဝန်မှရပ်စဲခြင်းနှင့် ဌာနလွှဲပြောင်းလိုက်ခြင်းတို့နှင့် ပတ်သက်၍ မဇ္ဈိမမှ သီးခြားအတည်ပြုချက် ရယူနိုင်ခြင်း မရှိသေးပါ။

Read more »

အဓိကရုဏ်းဖြစ်ပွားခဲ့သည့် ဒေသများတွင် ကျန်းမာရေးစောင့်ရှောက်မှု လိုအပ်

     ။ မိတ္ထီလာမြို့၏ လက်ရှိအခြေအနေမှာ တည်ငြိမ်လျက်ရှိသော်လည်း ကျန်းမာရေး ချို့ယွင်းမှုများ ရှိသည်ဟု ဒေသခံ မဖြူက မဇ္ဈိမသို့ပြောသည်။

မဖြူက “နေရာတိုင်းမှာ လူတွေက ညှပ်နေလို့ ကူးစက်မှုတွေ ပိုများလာတယ်။ လူအချင်းချင်း ထိပြီးအိပ်ရတာ
တော်တော်ဆိုးတယ်” ဟု ဆိုသည်။

ဒုက္ခသည်များထံ လှူဒါန်းမှုများကို ဆက်သွယ်ရေးစခန်းမှ တဆင့်လှူစေခြင်းကို အချို့လှူဒါန်းသူများက မနှစ်သက်ကြကြောင်း လှူဒါန်းသူတဦးက ပြောသည်။

ဒေသခံတဦးဖြစ်သူ မသီရိကလည်း စိတ်ထဲတွင် ကြောက်ရွံ့မှုများ မရှိတော့သော်လည်း ကျန်းမာရေးကို စိတ်ပူနေရသဖြင့် အိမ်များ အမြန် ပြန်ဆောက်ပေးရေးကိုသာ လိုလားနေကြောင်း ဆိုသည်။

၎င်းက “ကျွန်မတို့ အိမ်မြန်မြန် မရရင် ရောဂါကူးမယ်။ အိမ်ပြန်မဆောက်ပေးရင် ကိုယ့်မြေမှာ ကိုယ်တဲပဲထိုးနေရနေရ
ကျေနပ်တယ်” ဟု ပြောပြသည်။

မိတ္ထီလာ ဒေသခံများ၏ ကျန်းမာရေး အခြေအနေမှာလည်း စောင့်ရှောက်မှုများ ပိုမိုလိုအပ်နေသည်ဟု ဒေသခံ ၈၈မျိူးဆက်ကျောင်းသား ကိုထိန်မင်းခိုင်က မဇ္ဈိမကို ပြောသည်။

၎င်းက “ ကျီးလန့်စာစားနေနေရတဲ့အတွက် အကုန်လုံးတော့ တော်တော်လေး ဒုက္ခရောက်နေတယ်။ အခြေအနေ ကိုတော့ ထိန်းနိုင်တဲ့အခြေအနေပါ။ ဆိုးဝါးနေတာတော့ မဟုတ်ဘူး” ဟု ဆိုသည်။

မတ်လ ၂ဝ ရက်နေ့တွင် မိတ္ထီလာမြို့တွင် ဖြစ်ပွားခဲ့သည့် ပဋိပက္ခဖြစ်စဉ်နှင့် အခြားမြို့များတွင် ဖြစ်ပွားခဲ့သည့် ပဋိပက္ခဖြစ်စဉ်များ၌ ပျက်စီးဆုံးရှုံးမှုများကို မြန်မာနိုင်ငံ ရဲတပ်ဖွဲ့မှ ရဲဇာနည် Facebook စာမျက်နှာမှ တစ်ဆင့် သတင်းထုတ်ပြန်ခဲ့သည်။

အဆိုပါ ပဋိပက္ခဖြစ်စဉ်များကြောင့် သေဆုံးသူ (၄၂) ဦး၊ ဆေးရုံတက်ရောက် ကုသသူ (၉၃) ဦး၊ ဆေးရုံမှ ဆင်းသွားသူ (၆၃) ဦးနှင့် ကုသဆဲ လူနာ(၃ဝ) ဦးရှိကြောင်းနှင့် အမှုဖြင့် ဖမ်းဆီးထားသည့် တရားခံ (၆၈) ဦးနှင့် မသင်္ကာ၍ စစ်ဆေးနေသူ (၁၅) ဦးရှိကြောင်း ထုတ်ပြန်ချက်အရသိရသည်။

အကြမ်းဖက်သူများက နေအိမ် အဆောက်အဦများ၊ ဘာသာရေး အဆောက်အဦများ၊ ဈေးဆိုင်ခန်းများနှင့် အခြားပစ္စည်းများအား မီးရှို့ဖျက်ဆီးခြင်းများ ပြုလုပ်ခဲ့ရာ လူနေအိမ် (၁၂၂၇) လုံး၊ ဈေးဆိုင်ခန်း (၇၇) ခန်း၊ ရုံး (၁) ရုံး၊ ဘာသာရေး အဆောက်အဦ (၃၇) လုံး၊ ဆန်စက်/ဂိုဒေါင် (၄ ) လုံး၊ ကား/ထော်လာဂျီ (၂၁) စီး၊ ဆိုင်ကယ် (၁၂) စီး၊ သုံးဘီးဆိုင်ကယ် (၃) စီးတို့ ပျက်စီးခဲ့ကြောင်း ထုတ်ပြန်ချက်တွင် ပါဝင်သည်။

ဒုက္ခသည် စခန်းတွင်းမှ အပြင်လုံးဝ ထွက်ခွင့်မရ ကြောင်းနေမကောင်းပါက ဆရာဝန်များ လာရောက်ကြည့်ရှု
ပေးကြောင်း မိထ္တီလာဒေသခံ မဖြူကပြောသည်။

၎င်းက“ဆရာဝန်တွေကတော့ ကြည့်တော့ ကြည့်ပေးနေတာပဲ။ ဒီမှာ မကုနိုင်တဲ့အခါမှ ထွက်တဲ့ လက်မှတ်ယူပြီး သွားကုရတယ်။ အပြင်ထွက်မယ်ဆိုရင် အပြင်က လာခေါ်မှ ထွက်လို့ရတာ။” ဆိုသည်။

မတ်လ ၂၆ ရက်နေ့က ဆူပူ အကြမ်းဖက်မှုများ ဖြစ်ပွားခဲ့သည့် နတ္တလင်းမြို့တွင် အခြေအနေများ တည်ငြိမ်လျက် ရှိသော်လည်း ကျန်းမာရေး အခြေအနေမှာမူ စိတ်လုံNခုံမှု မရှိကြသေးကြောင်း ထပ်မံဆူပူမှုများ ဖြစ်ပေါ်လာမည်ကို စိုးရိမ်နေကြကြောင်း ဒေသခံ တဦးဖြစ်သည့် ကိုလွင်သန်းက မဇ္ဈိမကို ပြောသည်။

  ဇီးကုန်းမြို့တွင်လည်း ဒေသခံများက စိတ်ချရမှုကို လိုချင်နေကြကြောင်း ဇီးကုန်းဒေသခံ မ၀င်းမာက ဆိုသည်။

မ၀င်းမာက “ တော်တော်ကို စိုးရိမ်နေကြတယ်။ လူတွေက ကြောက်နေတာ ထပ်ဖြစ်မလား။ လာပြီး ဖျက်ဆီးမလား ဒါကိုပဲ နေ့တိုင်းစိုးရိမ်နေကြတာ” ဟုဆက်ပြောသည်။

ကြို့ပင်ကောက် ဒေသခံ မခင်မူက ကျန်းမာရေးစောင့်ရှောက်မှုများမှာ လိုအပ်သည်ထက် လျော့ကြောင်း ဆိုသည်။

အစိုးမှ အကြမ်းဖက်မှု၊ မီးလောင်ကျွမ်းမှုနှင့် အဓိကရုဏ်းများကြောင့် အိုးအိမ်စွန့်ခွာခဲ့ရသော ဒုက္ခသည် ပြည်သူ လူထု၏ အရေးပေါ် စားဝတ်နေရေး၊ လုံခြုံရေးကို အပြည့်အ၀ ကူညီဆောင်ရွက်သွားမည်ဖြစ်ပြီး အခြေအနေ တည်ငြိမ် လာသည်နှင့်အမျှ ဒုက္ခသည်များ ပြန်လည် နေရာချထားရေးကို အမြန်ဆုံးဆောင်ရွက်သွားမည်ဟု သတင်းထုတ်ပြန်ရေး အဖွဲ့၏ (၇/ ၂၀၁၃) တွင် ထုတ်ပြန်ကြေညာခဲ့သည်။

အဆိုပါကြေညာချက်တွင် အစိုးရအနေနှင့် လိုအပ်သော လူသားချင်းစာနာသည့် အကူအညီများကို ပေးနိုင်ရန် အတွက် လူထုအခြေပြု၊ လူ့အဖွဲ့အစည်းများ၊ ပုဂ္ဂလိကများ နိုင်ငံတကာ အဖွဲ့အစည်းများနှင့် လက်တွဲ
ဆောင်ရွက်သွားမည်ဟု ပါရှိသည်။

Read more »

အဓိကရုဏ်း ဖြစ်ခဲ့သော်လည်း ကုန်ဈေးနှုန်းများ တည်ငြိမ်နေ

Share on linkedinShare on facebookShare on twitter

အခြေခံစားကုန် ရောင်းချနေသူများ (ဓာတ်ပုံ – ဧရာဝတီ)

အဓိကရုဏ်း ဖြစ်ပေါ်ခဲ့သော မိတ္ထီလာ၊ ရမည်းသင်း၊ အုတ်ဖို၊ မင်းလှ၊ နတ်တလင်း၊ ကြို့ပင်ကောက်၊ မအောင်မြင်၊စစ်ကွင်းစသော မြို့များအပါအဝင် ရန်ကုန်မြို့တွင် အခြေခံစားကုန်များ ဈေးတက်ခြင်း၊ ပစ္စည်းပြတ်လပ်ခြင်း ပစ္စည်း ၀ယ်စုဆောင်းခြင်း၊ သိုလှောင်ထားခြင်းများ မရှိဘဲ ကုန်စည်စီးဆင်းမှု ကောင်းမွန်လျှက်ရှိကြောင်း အခြေခံစားကုန်များ ရောင်းချနေသည့် ဈေးကွက်အတွင်းမှ စုံစမ်းသိရှိရသည်။

“များများစားစား ၀ယ်စုတာမျိုး မရှိပါဘူး။ ဈေးကလည်း ပုံမှန်အနေအထား လောက်ပါပဲ။ နောက်တခုက လကုန်ခါနီး ဖြစ်နေတော့လည်း ငွေကပြတ်နေပြီလေ။ စုဆောင်းတာမျိုးတွေ မရှိဘူး” ဟု ရန်ကင်းဈေး အတွင်းမှ မေတ္တာရောင်ခြည် ဆန်ဆီ ရောင်းဝယ်ရေးမှ ဒေါ်အေးဖြူဖြူက ပြောသည်။

ပဋိပက္ခ စတင်ဖြစ်ပွားခဲ့သည့် နေ့များမှာသာ အနည်းငယ် ဈေးကစားမှု ရှိခဲ့ကြောင်း၊သို့ရာတွင် နောက်ပိုင်း၌ မူလ အခြေအနေတိုင်းသာ ရှိကြောင်း၊ ကုန်စည်စီးဆင်းမှုမှာလည်း ယခင်ကဲ့သို့ ကြန့်ကြာမှုများ မရှိသည့်အတွက် ဈေးကစားမှု နည်းပါးကြောင်း စားသောက်ကုန် တင်ပို့ရောင်းချသူများ အသင်းမှ အသင်းဝင်တဦးထံမှ သိရသည်။

“ပဋိပက္ခ စဖြစ်တဲ့နေ့ကနေ ဒီနေ့အထိကို စားသောက်ကုန် ပြတ်တာတွေမရှိဘူး။ ဈေးကလည်းပုံ မှန်ဈေးအတိုင်းပဲ ရှိတယ်။ရှားတယ်ဆိုတာ မရှိဘူး။ ရောင်းရေးဝယ်ရေးကော၊ ပစ္စည်းတွေကောက ပုံမှန်တိုင်းပါပဲ။ဘာမှ ပြောင်းလဲတာမရှိပါဘူး” ဟုမိတ္ထီလာ မြို့ခံတဦးက ပြောသည်။

လက်ရှိအစိုးရမှာ ငွေကြေးဖောင်းပွမှုကို ထိန်းသိမ်း လာနိုင်သည့်အတွက် မြန်မာ့ငွေတန်ဖိုး မှာလည်း တည်ငြိမ်နေလျှက် ရှိသည့်အတွက် ကုန်ဈေးနှုန်း တက်လာခြင်း မရှိကြောင်း၊ ထို့အပြင် ကုန်စည်စီးဆင်းမှု တွင်လည်း ယခင်ကထက် ပိုမို မြန်ဆန်လာသည့်အတွက် ကုန်စည်များဈေးမတက်ခြင်း ဖြစ်ကြောင်း၊ ယခင် အခြေအနေများကဲ့သို့ ကုန်ပစ္စည်း စီးဆင်းမှု ကြန့်ကြာခြင်းများ မရှိတော့သည့်အတွက် ပဋိပက္ခဖြစ်ပွားခဲ့သော်လည်း စီးပွားရေး နောက်ဆက်တွဲ ဆိုးကျိုး နည်းပါးခြင်း ဖြစ်နိုင်ကြောင်း စီးပွားရေးလေ့လာသူ တဦးက သုံးသပ်သည်။

“ပဋိပက္ခတွေဆိုတာက ခဏပဲ။ မထိန်းနိုင်တာလည်းမဟုတ်ဘူး။ ထိန်းနိုင်နေတာဘဲလေ။ သိပ်ပြီး ဈေးကစားမှာ မဟုတ်ဘူး။ရေတိုကိစ္စတွေပါ။ လက်ရှိ အခြေအနေကြောင့် ဈေးအတက်အကျ ရှိလာတာတွေ၊ အရင်လို သိုလှောင် သိမ်းတာတွေ မရှိနိုင်ဘူး” ဟု စီးပွားရေးပညာရှင် ဒေါက်တာခင်မောင်ညို (ဘောဂဗေဒ) က ရှင်းပြသည်။

ပဋိပက္ခများ နယ်ပယ်စုံတွင် ဖြစ်ပွားခဲ့သော်လည်း တနိုင်ငံလုံး အတိုင်းအတာ မဟုတ်ခြင်း၊အစိုးရအနေဖြင့် ထိန်းနိုင်သည့် အနေအထားတွင် ရှိနေခြင်း တို့ကြောင့် ကုန်ဈေးနှုန်း မတက်ခြင်း ဖြစ်နိုင်ကြောင်း စီးပွားရေးလုပ်ငန်းရှင် ဦးသန်းဇော်က ပြောသည်။

“၀ယ်ယူမှုတွေမှာ ခေါက်ဆွဲခြောက် ၀ယ်တာကတော့ အရင်ကထက် များတယ်။ ဒါပေမယ့် ဒါကလည်း နေရာတိုင်းမှာ မဟုတ်ဘူး။ တနေရာနဲ့တနေရာက မတူဘူး။ ပြောရခက်တယ်။ သိမ်းကျုံး ပြောရရင်တော့ အရင်ကလို ၀ယ်စုတာတို့ ဘာတို့တော့ မရှိပါဘူး” ဟု ABC စတိုးရုံးချုပ်မှ မန်နေဂျာ တဦးက ဆိုသည်။

ကုန်ပစ္စည်းဈေးများမှာ အတက်အကျမရှိဘဲ ပုံမှန်အတိုင်းသာ ရှိသော်လည်း ရွှေဈေးနှုန်းမှာ မေလဆန်းတွင် ကျပ် ၇ သိန်း ၅ သောင်းကျော် ရှိရာမှ မေ ၂၇၊ ၂၈ မှ စတင်ကာ ၇ သိန်း ၄ သောင်းကျော်သို့ ကျသွားခဲ့ပြီး မေ ၂၉ တွင် ၇၄၃၅၀၀ ဈေးသာ ရှိတော့ကြောင်း ရွှေဈေးကွက် အတွင်းမှ သိရသည်။

ဒေါ်လာ ဈေးနှုန်းမှာမူ မေလဆန်းတွင် ကျပ် ၈၉၀ ကျော် ရှိရာမှ မေ ၂၆၊ ၂၇ မှ စတင်ကာ ၈၇၀ ပတ်ဝန်းကျင်သာ ရှိခဲ့ပြီး မေ ၂၉ တွင် တဒေါ်လာလျှင် ၈၇၆ ကျပ်ဈေး ပေါက်နေသည်။

Read more »

ပဋိပက္ခများကြောင့် ငပလီ ခရီးသွား လုပ်ငန်းတွင် ဂယက်ရိုက်မှုရှိ

Share on linkedinShare on facebookShare on twitter

ရခိုင်ပြည်နယ် သံတွဲမြို့ရှိ ငပလီ ကမ်းခြေ (ဓာတ်ပုံ – မြတ်စုမွန်)

မြန်မာပြည် အလယ်ပိုင်းတွင် ဖြစ်ပွားသည့် ပဋိပက္ခများကြောင့် ခရီးသွားလာမှု သတိပြုရန် အမေရိကန် သံရုံးက ၎င်းတို့၏ နိုင်ငံသားများကို သတိပေးစာ ထုတ်ပြန်လိုက်ပြီးနောက်ပိုင်း ရခိုင်ပြည်နယ် သံတွဲမြို့ရှိ ငပလီကမ်းခြေသို့ အမေရိကန်နှင့် ဗြိတိန်နိုင်ငံသားများ လာရောက် လည်ပတ်မှုနှုန်း လျော့ကျသွားကြောင်း ငပလီကမ်းခြေ ဟိုတယ်ဇုန်ဥက္ကဋ္ဌက ပြောသည်။

“အမေရိကန်နဲ့ ဗြိတိန်တွေ အလာနည်းသွားပေမယ့် ကျန်တဲ့ နိုင်ငံသားတွေကတော့ ပုံမှန်ရှိပါတယ်။ အဓိကတော့ ဂျာမန် နိုင်ငံသားတွေ များတယ်” ဟု ဟိုတယ်ဇုန် ဥက္ကဋ္ဌ ဦးကျော်စွာမောင်မောင်က ဧရာဝတီသို့ ပြောသည်။

ငပလီကမ်းခြေ ဟိုတယ်ဇုန်များတွင် နိုဝင်ဘာ၊ ဒီဇင်ဘာနှင့် ဇန်န၀ါရီလများသည် ကမ္ဘာလှည့်ခရီးသွားများ အများဆုံး လာရောက်အပမ်းဖြေသည့် ကာလဖြစ်ပြီး ဖေဖော်ဝါရီ၊ မတ်နှင့် ဧပြီလများသည့် ပြည်တွင်း ဧည့်သည်များ လာရောက် လည်ပတ်လေ့ရှိသည့် ကာလများဖြစ်ကြောင်း သိရသည်။

မြန်မာပြည်အလယ်ပိုင်းနှင့် ပဲခူးတိုင်းအတွင်း ဖြစ်ပွားနေသည့် ပဋိပက္ခ ဂယက်များကြောင့် ယခုနှစ် ငပလီ ကမ်းခြေ သင်္ကြန်သို့ ဧည့်သည်ဝင်ရောက်မှုနှုန်း ကျဆင်းနိုင်ကြောင်း ဟိုတယ်နှင့် ခရီးသွား လုပ်ငန်းများနှင့် ဆက်စပ်နေသူများက ခန့်မှန်းပြောဆိုသည်။

“နှစ်တိုင်း ဒီချိန်ဆိုရင် ပြည်တွင်းဧည့်သည်တွေ ရောက်နေပြီ။ ဒီချိန်က ကလေးတွေ စားမေးပွဲပြီးလို့ ကျောင်းတွေလည်း ပိတ်တဲ့အချိန်။ ဒီနှစ် လုံးဝ မလာကြဘူး။ သိသိသာသာကို နည်းနေတယ်။ ဒီမှာတော့ အခြေအနေတွေ အားလုံးက ကောင်းပါတယ်” ဟု Boat Trip ၀န်ဆောင်မှု အသင်းမှ တာဝန်ရှိသူတဦးဖြစ်သည့် ကိုကျော်စိုးထွန်းက ပြောသည်။

ငပလီကမ်းခြေရှိ ပုဂ္ဂလိက လေကြောင်းများ လက်မှတ်အရောင်း ကောင်တာမှ တာဝန်ရှိသူတဦးကလည်း “ဒီနှစ်မှာ မိတ္ထီလာ ဂယက်ကြောင့် ကမ်းခြေသင်္ကြန် လူနည်းမယ်ထင်တယ်” ဟု ပုံမှန်အခြေအနေနှင့် နိုင်းယှဉ်၍ ခန့်မှန်းပြော ဆိုသည်။

ယမန်နှစ် နှစ်လယ်ပိုင်းမှ စတင်၍ ရခိုင်ပြည်နယ်တွင် ဖြစ်ပွားခဲ့သည့် ပဋိပက္ခများကြောင့်လည်း ခရီးသွားလုပ်ငန်းကို ထိခိုက်မှုများရှိခဲ့ကြောင်း ငပလီကမ်းခြေမှ ဟိုတယ်လုပ်ငန်း လုပ်ကိုင်နေသူများထံမှ သိရသည်။

ငပလီကမ်းခြေသို့ ကမ္ဘာလှည့်ခရီးသွား လာရောက်လည်ပတ်မှုမှာ နိုင်ငံစုံမှ ဖြစ်လာကြောင်း ကိုကျော်စိုးထွန်းက ပြောသည်။

“အစိုးရ အပြောင်းအလဲ ဖြစ်ပြီးတဲ့နောက်ပိုင်း ဒီနှစ်မှာ မလာဖူးတဲ့ တိုင်းပြည်တွေက ဧည့်သည်တွေ အ၀င်များလာတယ်။ နော်ဝေ၊ ချက်ဇ်နဲ့ စလိုဘေးနီးယားလို နိုင်ငံမျိုးတွေက အုပ်စုလိုက် ရောက်လာကြတယ်” ဟု ကိုကျော်စိုးထွန်းက ဆိုသည်။

သို့သော် ကမ်းခြေတခုလုံး အနေဖြင့် ခြုံကြည့်လျှင် နှစ်စဉ် ကမ္ဘာလှည့်ခရီးသွား နည်းပါးလေ့ရှိသည့် ယခုလတွင် ပုံမှန်ထက် များနေဆဲဖြစ်ကြောင်း ကိုကျော်စိုးထွန်းက ပြောသည်။

ငပလီကမ်းခြေတွင် ယခုလက်ရှိတွင် ထပ်မံဖွင့်လှစ်မည့် ဟိုတယ်အသစ် နှစ်လုံး အပါအ၀င် ဟိုတယ်စုစုပေါင်း ၁၆ လုံးရှိကြောင်း သိရှိရသည်။

Read more »

အမျိုးသမီးများ ကာကွယ်စောင့်ရှောက်ရေး သံတွဲမှာ ဆန္ဒပြမည်

  ။ ရခိုင် အမျိုးသမီးများအား ကာကွယ်စောင့်ရှောက်ရေးအတွက် ဧပြီလ ၄ ရက်နေ့တွင် သံတွဲမြို့၌ ဆန္ဒပြပွဲတရပ် ပြုလုပ်သွားမည်ဖြစ်ကြောင်း ဦးဆောင်စီစဉ်သူများက မဇ္ဈိမကို ပြောသည်။

“လူ၂၀၀ လောက်နဲ့လုပ်မယ့် ဒီဆန္ဒဖော်ထုတ်ပွဲကို မနက် ၈ နာရီကနေ ၁၀ နာရီထိ လမ်းလျှောက် ဆန္ဒဖော်ထုတ် မယ်။ မတ်လ ၂၉ ရက်နေ့ နေ့လည်ပိုင်းက မြို့နယ်ရဲတပ်ဖွဲ့မှူးဆီမှာ ကျနော်တို့ ခွင့်ပြုချက်တောင်းခံလွှာ တင်ထားပြီးပါပြီ။ မြို့နယ်မှူးကလည်း လက်ခံထားလိုက်တယ်။ သက်ဆိုင်ရာက ကန့်ကွက်မယ့် လက္ခဏာတော့ မတွေ့ခဲ့ရဘူးဗျ” ဟု ခွင့်ပြုချက် တင်ခဲ့သူ သံတွဲ လူမှုကွန်ယက် အဖွဲ့ဝင် ဦးမြင့်မိုး က ပြောသည်။

ဇန်နဝါရီလ ၂၅ ရက်နေ့က သံတွဲမြို့နယ်၊ ကွေ့ချောင်းကျေးရွာအုပ်စု၊ ဆိပ်ကြီးကျေးရွာတွင် အမျိုးသမီးတဦး အဓမ္မပြုကျင့်ခံခဲ့ရသည့်အမှုအား စစ်ဆေးမှု နှောင့်နှေးကြန့်ကြာနေရခြင်းကို ကန့်ကွက်ခြင်း အပါအဝင်
တောင်းဆိုချက် ၇ ချက် ပါဝင်မည်ဟု စီစဉ်သူများက ဆိုသည်။

၂၀၁၂ ခုနှစ်၊ အောက်တိုဘာလ အတွင်းကလည်း ရခိုင်အမျိုးသမီးများ ဘဝလုံခြုံရေးအတွက် စစ်တွေမြို့တွင် ဆန္ဒပြပွဲတရပ် ပြုလုပ်ခဲ့ကြသေးသည်

Read more »

သစ် အလုံးလိုက် ပြည်ပတင်ပို့မှုခွင့် ရပ်ဆိုင်းမည်

   ။ ပြည်ပသို့ သစ် အလုံးလိုက် တင်ပို့မှုကို ဧပြီလ ၁ ရက်နေ့မှ စတင်၍ ရပ်ဆိုင်းတော့မည်
ဖြစ်ကြောင်း ပတ်ဝန်းကျင်ထိန်းသိမ်းရေးနှင့် သစ်တော ဝန်ကြီးဌာန မှတဆင့် ဆိုသည်။

“သစ်နဲ့ပတ်သက်ပြီး သစ်အချောထည်နဲ့ တဝက်တပျက် အချောထည်အဖြစ်သာ တင်ပို့ခွင့်ကို ဝန်ကြီးဌာနက မတ်လ ၂၉ ရက် နေ့စွဲနဲ့ သတင်းထုတ်ပြန်ပြီးဖြစ်ပါတယ်” ဟု ယင်းဌာနမှ တာဝန်ရှိသူ တဦးက ပြောသည်။

ထို့သို့ ပိတ်ပင်ရခြင်းမှာ ပြည်သူလူထု တရပ်လုံး၏ လူမှုစီးပွားဘဝ ဖွံ့ဖြိုးတိုးတက်စေရန် ရည်ရွယ်လျက် နိုင်ငံတော်၏ အဓိက သယံဇာတ တခုဖြစ်သည့် သစ်တော သယံဇာတများ ရေရှည် အကျိုးရှိစွာ အသုံးချနိုင်ရန် ရည်ရွယ် လုပ်ကိုင်ခြင်း ဖြစ်သည်ဟု ဆိုသည်။

“အခုလို သစ်အလုံးလိုက်တင်ပို့မှုကို ပိတ်လိုက်တာဟာ ၂၀၁၁ ခုနှစ် လောက်ကတည်းက ကုန်ကြမ်း မလုံလောက် လို့ ရပ်ထားရတဲ့ သစ်စက်တွေ၊ ပိတ်လိုက်ရတဲ့ သစ်စက်တွေနဲ့အတူ အလုပ်လက်မဲ့ ဖြစ်ခဲ့ရတဲ့ သစ်စက် အလုပ်သမားတွေ လက်လွှတ်လိုက်ရတဲ့ အလုပ်တွေ ပြန်လည် ရရှိနိုင်တော့မှာပါ” ဟု တောင်ဥက္ကလာပရှိ သစ်စက်လုပ်ငန်းရှင် ဦးအောင်မိုး က မျှော်လင့်သည်။

ထို့အပြင် ပြည်ပ လုပ်ငန်းရှင်များက သစ်အချောထည် စက်မှုလုပ်ငန်း ရင်းနှီးမြှုပ်နှံမှုများ စီးဝင်လာနိုင်ကြောင်း
မြန်မာနိုင်ငံ သစ်လုပ်ငန်းရှင်များ အသင်းမှ တာဝန်ရှိသူ တဦးက ပြောဆိုသည်။

Read more »

လတ်တလောအဖြစ်အပျက်များနှင့်ပတ်သက်၍ သမ္မတဦးသိန်းစိန် ပြောကြားခဲ့သောမိန့်ခွန်း

လတ်တလောအဖြစ်အပျက်များနှင့်ပတ်သက်၍ သမ္မတဦးသိန်းစိန် ပြောကြားခဲ့သောမိန့်ခွန်း

မိတ္ထီလာအရေးကိစ္စအပါအဝင် လတ်တလော ဆူပူမှုများ ကူးစက်ပြန့်ပွားရန် ကြိုးပမ်းလာတဲ့ အခြေအနေများနဲ့ စပ်လျဉ်းပြီး ကျွန်တော့်အနေနဲ့ ပြည်သူလူထုတစ်ရပ်လုံးကို လိုအပ်တဲ့ ကိစ္စရပ်များအား ရှင်းလင်းပြောကြားသွားမှာ ဖြစ်ပါတယ်။ သာမန်ပုဂ္ဂလိက အငြင်းပွားမှု၊ သာမန်မှုခင်းတစ်ခုကို အကြောင်းပြုပြီး မိတ္ထီလာမှာ ဖြစ်ပွားခဲ့တဲ့ ပဋိပက္ခများ တည်ငြိမ်စပြုလာသည့် အခြေအနေမှာ ပြည်သူလူထုကြီးရဲ့ ရိုးသားမှုကို အခွင့်ကောင်းယူပြီး ရန်ကုန်မြို့အပါအဝင် မြန်မာနိုင်ငံဒေသ အနှံ့အပြားတွင် ဆူပူမှုများ ကူးစက်ပျံ့နှံ့ရန် လှုံ့ဆော်လုပ်ဆောင်လာမှုများကို စိတ်မချမ်းမြေ့ဖွယ် တွေ့မြင်နေရပါတယ်။ ဒါကြောင့် ဒီကိစ္စများနဲ့ပတ်သက်ပြီး ကျွန်တော်ရဲ့ သဘောထားနဲ အစိုးရရဲ့ ရပ်တည်ချက်များကို ရှင်းလင်းပြောကြားသွားမှာ ဖြစ်ပါတယ်။

ကျွန်တော့်အနေနဲ့ အင်အားသုံးပြီး ပြဿနာတွေကို ဖြေရှင်းတာကို မနှစ်မြို့ပါ။ ဒါပေမယ့် ပြည်သူလူထုရဲ့ အသက်အိုးအိမ်စည်းစိမ် လုံခြုံမှုကို ထိပါးတဲ့လုပ်ရပ် မှန်သမျှကိုတော့ လုံးဝ လက်သင့်ခံမှာ မဟုတ်ဘဲ လိုအပ်လျှင် မြို့ပြအင်အားသုံးပြီး ထိထိရောက်ရောက် တားဆီးနှိမ်နင်းသွားရမှာ ဖြစ်ပါတယ်။ ဒီနေရာမှာ တရားဥပဒေစိုးမိုးရေးတွင် အဓိကတာဝန်ရှိနေတဲ့ မြန်မာနိုင်ငံရဲတပ်ဖွဲ့အနေနဲ့ ဥပဒေနဲ့အညီ ရဲဝံ့ပြတ်သားစွာ ဆောင်ရွက်ကြဖို့ ပြောကြားလိုပါတယ်။

ဒီမိုကရေစီရဲ့ ရေသောက်မြစ်လို့ဆိုရမယ့် တစ်ဦးတစ်ယောက်ချင်းစီရဲ့ လွတ်လပ်ခွင့်ဆိုတာ သူတစ်ပါးကို ထိခိုက်မှုမရှိဘဲ လွပ်လပ်ခြင်းရဲ့ အရသာကို အားလုံးခံစားနိုင်ဖို့ ဖြစ်ပါတယ်။ ကျွန်တော်တို့နိုင်ငံရဲ့ ဖွဲ့စည်းပုံအခြေခံဥပဒေမှာလည်း မိမိယုံကြည်ရာကို လွတ်လပ်စွာ ကိုးကွယ်ပိုင်ခွင့်အား နိုင်ငံသား အခွင့်အရေး အနေနဲ့ အာမခံချက် အပြည့်အဝ ပေးထားပါတယ်။ ဒီနေရာမှာ မွန်မြတ်တဲ့ ကိုးကွယ်ယုံကြည်မှုကို ခုတုံးလုပ်ပြီး အလွဲသုံးတဲ့ အယူသီး အစွန်းရောက်လုပ်ရပ်တွေ၊ မတူညီတဲ့ ဘာသာတရားတွေအကြား အမုန်းတရားတိုးပွားအောင် လုပ်ဆောင်မှုတွေ၊ ကိုယ်ကျိုးစီးပွားနဲ့ယှဉ်တဲ့ နိုင်ငံရေး၊ စီးပွားရေး အမြတ်ထုတ် လုပ်ဆောင်လာမှုတွေကို ပပျောက်သွားအောင် ကျွန်တော်တို့ အစိုးရအနေနဲ့ ဖွဲ့စည်းပုံအခြေခံဥပဒေ၊ တည်ဆဲဥပဒေများနဲ့အညီ ထိထိရောက်ရောက် အရေးယူဆောင်ရွက်သွားမှာ ဖြစ်တယ်ဆိုတာ သတိပေး ပြောကြားလိုပါတယ်။

ဒီလို ပဋိပက္ခတွေ၊ အခက်အခဲ အကျပ်အတည်းတွေဟာ ဒီမိုကရေစီအသွင်ကူးပြောင်းရေးကာလမှာ မဖြစ်မနေ ကြုံတွေ့ရမယ့် စိန်ခေါ်မှုတွေ၊ ပြဿနာတွေထဲက တစ်ခုလို့ ရှုမြင်ရမှာဖြစ်ပြီး အားလုံးအတူ ပူးပေါင်းကျော်လွှား ဖြေရှင်းသွားရမှာ ဖြစ်ပါတယ်။ ဒီလိုဖြေရှင်းတဲ့အခါမှာလည်း နိုင်ငံတည်ဆောက်ရေးမှာ နှစ်ပေါင်း ခြောက်ဆယ်လုံးလုံး ကျွန်တော်တို့နိုင်ငံကို နောက်ကျကျန်စေခဲ့တဲ့ မတူတဲ့အင်အားစုတွေအကြား ထိပ်တိုက်ရင်ဆိုင်ပြီး အချင်းချင်း ဖယ်ထုတ်ဖို့ ကြိုးစားခဲ့တဲ့ အနိုင်-အရှုံး သတ်မှတ်တဲ့ အလေ့အကျင့်ကို အတိတ်မှာ ချန်ထားခဲ့ပြီး မတူညီတဲ့အားတွေကို စုစည်းပြီး အချင်းချင်း ညှိနှိုင်းပူးပေါင်း ဆောင်ရွက်ခြင်းနဲ့ အားလုံးအတွက် အကောင်းဆုံး အဖြေကိုရှာတဲ့ ဒီမိုကရေစီအလေ့အကျင့်ကို ကျင့်သုံးခြင်းကသာ ပေါ်ပေါက်လာတဲ့ အကျပ်အတည်းတွေကို ဖြေရှင်းနိုင်ပြီး ဒီမိုကရေစီ အသွင်ကူးပြောင်းခြင်းဖြစ်စဉ်ကို ပံ့ပိုးပေးနိုင်လိမ့်မယ်လို့ ယုံကြည်ထားပါတယ်။

ယခု မိတ္ထီလာမှာ ဖြစ်ပျက်ခဲ့တဲ့ဖြစ်စဉ်ကို ဖြေရှင်းတဲ့နေရာမှာ ယခင်ကနဲ့မတူဘဲ အသိုက်အဝန်းတွေကြားမှာ နားလည်မှုတွေနဲ့ ယုံကြည်မှုတွေ ပြန်လည်တည်ဆောက်နိုင်ဖို့အတွက် အရပ်ဘက် လူ့အဖွဲ့အစည်းတွေရဲ့ ပူးပေါင်းပါဝင်မှု၊ ဘာသာပေါင်းစုံက ခေါင်းဆောင်တွေရဲ့ ပူးပေါင်းဆောင်ရွက်မှု၊ နိုင်ငံတကာ အဖွဲ့အစည်းတွေရဲ့ ပူးပေါင်းကူညီမှု၊ မီဒီယာများရဲ့ ပိုမိုတာဝန်သိသိ၊ တာဝန်ရှိရှိ သတင်းဖော်ပြမှု၊ ပြည်သူတွေရဲ့ အသက်အိုးအိမ် စည်းစိမ်လုံခြုံမှုနဲ့ ပြန်လည်ထူထောင်ရေး လုပ်ငန်းများအတွက် ဘုန်းတော်ကြီးများ အပါအဝင် လုံခြုံရေး အဖွဲ့အစည်းများနဲ့ တပ်မတော်တို့ရဲ့ မှန်ကန်တဲ့ အခန်းကဏ္ဍက ပါဝင်မှုတွေကို တွေ့ရှိရပါတယ်။ တချို့ဒေသတွေမှာ ငြိမ်းငြိမ်းချမ်းချမ်း နေထိုင်နေကြတဲ့ ပြည်သူလူထုတွေ အထိတ်တလန့်ဖြစ်အောင်၊ အကြမ်းဖက်မှုတွေဖြစ်အောင်၊ ကောလာဟလတွေနဲ့ သွေးထိုးလှုံ့ဆော် နေတာတွေ ရှိပေမယ့် ဒါတွေကတစ်ဆင့် အကြမ်းဖက်မှုတွေအဖြစ် ရောက်ရှိမသွားရအောင် ဒေသဆိုင်ရာ အုပ်ချုပ်ရေး အာဏာပိုင်တွေ၊ အရပ်ဘက် လူ့အဖွဲ့အစည်းတွေ၊ ရပ်မိရပ်ဖတွေနဲ့ ဘာသာရေး ခေါင်းဆောင်တွေ ပူးပေါင်းကော်မတီတွေ၊ ဘာသာရေး အဓိကရုဏ်း ကာကွယ်တားဆီးရေးအဖွဲ့တွေ ဖွဲ့စည်းပြီး ကာကွယ်ပေးနေ ကြတာတွေကိုလည်း အပြုသဘောဆောင်သော ဖြစ်ရပ်များအဖြစ် တွေ့မြင်နေရပါတယ်။

ဒါ့အပြင် သွေးထိုးမှုတွေ လှုံ့ဆော်မှုတွေကြောင့် အခြားမြို့ကြီးများကို ပဋိပက္ခများ ကူးစက်မယ့် အန္တရာယ်ကိုလည်း အရပ်ဘက် လူ့အဖွဲ့အစည်းတွေ၊ ရပ်မိရပ်ဖတွေနဲ့ သက်ဆိုင်ရာ အစိုးရအဖွဲ့အစည်းတွေ၊ လုံခြုံရေး အဖွဲ့အစည်းတွေအားလုံး ဝိုင်းဝန်းကာကွယ် လုပ်ဆောင်နေကြတာကိုလည်း တွေ့ရတဲ့အတွက် ကျေးဇူးတင် ဝမ်းမြောက်မိပါတယ်။ မတူညီတဲ့ တိုင်းရင်းသားတွေ၊ လူမျိုးစုတွေနဲ့ မတူညီတဲ့ ကိုးကွယ် ယုံကြည်မှုတွေအကြား အချင်းချင်း အပြန်အလှန် လေးစားမှု၊ နားလည်မှုရှိတဲ့၊ ယဉ်ကျေးတဲ့ လူ့အဖွဲ့အစည်းမှာ နေထိုင်တဲ့ နိုင်ငံတစ်နိုင်ငံအဖြစ် ကမ္ဘာပေါ်မှာ ဂုဏ်သိက္ခာရှိရှိ ရပ်တည်နိုင်ဖို့အတွက် ကြိုးပမ်းနေကြတယ် ဆိုတာကိုလည်း သက်သေထူရာ ရောက်ပါတယ်။

ကျွန်တော်တို့အစိုးရအနေနဲ့ အင်အားသုံး ဖြေရှင်းကိုင်တွယ်မှုတွေကို တတ်နိုင်သမျှ ထိန်းထိန်းသိမ်းသိမ်း ဆောင်ရွက်ခဲ့ရတဲ့ အကြောင်းရင်းကတော့ မိမိတို့ နိုင်ငံသားများရဲ့ အရှိန်ယူစ ဒီမိုကရေစီကျင့်စဉ်များ စမ်းသပ်ကျင့်သုံးမှုကို အဟန့်အတားဖြစ်ပြီး အချိန်မတိုင်မီ ပျက်စီးသွားနိုင်မယ့် အန္တရာယ်ကို ရှောင်ရှားလိုတဲ့ အတွက်ကြောင့်ပဲ ဖြစ်ပါတယ်။ ယခုကာလတိုအတွင်း မြေစမ်းခရမ်းပျိုးနေတဲ့ ပြုပြင်ပြောင်းလဲရေးများနဲ့ ဒီမိုကရေစီ ရှင်သန်ရေးများကို မဆုံးရှုံးစေလိုတဲ့အတွက်ပဲ ဖြစ်ပါတယ်။ ဒါပေမယ့် ကျွန်တော်တို့ ပြည်သူ၊ ကျွန်တော်တို့ နိုင်ငံသားတစ်ဦးချင်းစီရဲ့ အသက်အိုးအိမ်စည်းစိမ်ကို ထိပါးလာရင်တော့ ကျွန်တော့်ကို အခြေခံဥပဒေက အပ်နှင်းထားတဲ့ နိုင်ငံတော်သမ္မတရဲ့ လုပ်ပိုင်ခွင့်တွေ၊ လုံခြုံရေး အဖွဲ့အစည်းတွေ၊ အုပ်ချုပ်ရေး အဖွဲ့အစည်းတွေရဲ့ အင်အားကို အသုံးပြုပြီး အကာအကွယ်ပေးသွားဖို့ ဆုံးဖြတ်ထားပြီး ဖြစ်ပါတယ်။ ပြည်သူလူထု တစ်ရပ်လုံးကလည်း မေတ္တာကိုအရင်းခံ၊ ကိုယ်ချင်းစာတရားကို လက်ကိုင်ထားပြီး အမြင်ကျယ်ကျယ်၊ သတိကြီးကြီးနဲ့ ဝိုင်းဝန်းကူညီ ပူးပေါင်းဆောင်ရွက်ကြဖို့ ကျွန်တော် အလေးအနက် တိုက်တွန်းမေတ္တာရပ်ခံပါတယ်။

မြန်မာနိုင်ငံလို တိုင်းရင်းသားပေါင်းစုံနဲ့ လူမျိုးပေါင်းစုံ၊ ဘာသာပေါင်းစုံနဲ့ ယဉ်ကျေးမှုပေါင်းစုံ စုစည်းတည်ဆောက်ထားတဲ့ နိုင်ငံတော်တစ်ရပ်အနေနဲ့ နိုင်ငံသားအားလုံးပါဝင်တဲ့ ဒီမိုကရေစီ စနစ်ကသာလျှင် တည်ငြိမ်အေးချမ်းမှုကို အာမခံနိုင်တဲ့ ဒီမိုကရေစီစနစ် ဖြစ်လာမယ်ဆိုတာကို အားလုံးက အလေးအနက် ခံယူထားကြရမှာ ဖြစ်ပါတယ်။ မတူကွဲပြားမှုတွေ ရှိနေပေမယ့်လည်း အဆင်ပြေပြေ ယှဉ်တွဲနေထိုင်နိုင်ဖို့အတွက် ဒီမိုကရေစီ နည်းလမ်းကျကျ၊ ငြိမ်းငြိမ်းချမ်းချမ်း ကြိုးပမ်းကြရမှာဖြစ်ပါတယ်။ ကျွန်တော်တို့တွေရဲ့ မတူကွဲပြားမှုတွေကို ဂုဏ်ယူကြရမှာဖြစ်သလို တစ်ပြိုင်နက်တည်းမှာပဲ ကွဲပြားတဲ့အင်အားတွေကို စုစည်းပြီး ပေါင်းစည်းအားအဖြစ် အသုံးပြုနိုင်မယ်ဆိုရင် ကျွန်တော်တို့ လက်တွေ့ကြုံတွေ့နေရတဲ့ အခက်အခဲတွေ၊ အနာဂတ်မှာ ကြုံတွေ့ရမယ့် စိန်ခေါ်မှုတွေကို ကျော်လွှားသွားနိုင်မယ်လို့ ကျွန်တော့်အနေနဲ့ ရာနှုန်းပြည့် ယုံကြည်ပါတယ်။

ကျွန်တော့်အနေနဲ့ ပြည်သူလူထုအားလုံးကို ပြောကြားလိုတာကတော့ အခုချိန်မှာ ကျွန်တော်တို့ မြန်မာ့လူအဖွဲ့အစည်းကို ပွင့်လင်းလွတ်လပ်တဲ့ လူ့အဖွဲ့အစည်းဖြစ်အောင် ကြိုးစားနေတာ ဖြစ်တဲ့အတွက် အစိုးရကလည်း ဖြစ်စဉ်ဖြစ်ရပ် အမှန်တွေကို အချိန်နဲ့တစ်ပြေးညီ ပွင့်လင်းမြင်သာမှုရှိရှိ သတင်းပေး ပြန်ကြားသွားမှာဖြစ်သလို ပြည်သူလူထုတစ်ရပ်လုံး အနေနဲ့လည်း ကောလာဟလတွေရဲ့ အန္တရာယ်ကို သတိကြီးကြီး၊ ဉာဏ်အမြော်အမြင်ရှိရှိနဲ့ ရင်ဆိုင်တုံ့ပြန်သွားကြရင် ကျွန်တော်တို့အားလုံး ဒီစိန်ခေါ်မှုတွေကို သမိုင်းအစဉ်အလာအရ သဟဇာတရှိရှိ နေထိုင်ခဲ့တဲ့ လူအဖွဲ့အစည်းတစ်ရပ်ရဲ့ ဂုဏ်သိက္ခာနဲ့အညီ အတူလက်တွဲ ကျော်လွှားသွားကြပါစို့လို့ တိုက်တွန်းရင်း နိဂုံးချုပ်ပါတယ်။

Read more »

မန္တလေးမှာ ဘာသာစုံ ငြိမ်းချမ်းရေးဆုတောင်း

မန္တလေးတိုင်း၊ မိတ္ထီလာမြို့နဲ့ တခြားမြို့တွေမှာ ဖြစ်ခဲ့တဲ့ အကြမ်းဖက်မှုတွေနဲ့ ပတ်သက်ပြီးတော့ ငြိမ်းချမ်းရေးရစေဖို့၊ အကြမ်းဖက် ပဋိပက္ခတွေအဆုံးသတ်စေဖို့၊ မန္တလေးမြို့မှာ ဘာသာပေါင်းစုံ ဆုတောင်းပွဲတစ်ခုကိုလည်း ကျင်းပပေးခဲ့ပါတယ်။ ကိုဇော်ဝင်းလှိုင်က တင်ပြပေးထားပါတယ်။

မိတ္ထီလာမြို့က စတင်လိုက်တဲ့ အကြမ်းဖက် ဆူပူမှုတွေ အဆုံးသတ်ရေး၊ ငြိမ်းချမ်းရေး ပေါ်ထွန်းရေးတို့အတွက် ရည်ရွယ်ပြီး ဒီကနေ့ မန္တလေးမြို့မှာ ဘာသာပေါင်းစုံ ဆုတောင်းပွဲကို ကျင်းပခဲ့ရတာဖြစ်တယ်လို့ အခမ်းအနား ဖြစ်မြောက်ရေးအတွက် ဦးဆောင်လုပ်ကိုင်သူတဦးဖြစ်တဲ့ ကိုနိုင်က ဗွီအိုအေကို ပြောပါတယ်။


“ဆုတောင်းပွဲခေါင်းစဉ်က တရားဥပဒေစိုးမိုးရေးနှင့် အကြမ်းဖက် ဖျက်ဆီးမှုများကို ရှုတ်ချရေးအတွက် ဆီမီးထွန်း ဆုတောင်းပွဲ- ပါခင်ဗျ။ အဲဒီ ဆုတောင်းပွဲလုပ်တဲ့ အခမ်းအနားရဲ့နေရာက မန္တလေး ဒက္ခိဏရာမ ဘုရားကြီးတိုက်နဲ့ စတုတ္ထမြောက် သံဃာ့မဟာ နာယက ဘဒ္ဒဏ္ဍ အာစရိယ ဘိဝံသရဲ့ စေတီတော်ထဲမှာပါ ခင်ဗျ။”

မေး။ ။ ဟုတ်ကဲ့။ ဘယ်သူတွေ တက်ရောက်ခဲ့ကြပါသလဲ ခင်ဗျ။ ဘယ်နှစ်ယောက်လောက် လာပါသလဲ။


“ဘာသာပေါင်းစုံဖြစ်နေတဲ့အတွက် မွတ်စလင်အုပ်စုတွေနဲ့ ခရစ်ယာန်အုပ်စုရော ဗုဒ္ဓဘာသာအုပ်စုတွေ အားလုံးပေါင်း ၂၀၀ ဝန်းကျင်လောက် တက်ကြပါတယ် ခင်ဗျ။”

မေး။ ။ ဆုတောင်းတဲ့အခါမှာ ဘာတွေများ ထည့်ပြီး ဆုတောင်းကြပါသလဲ။

“ဟုတ်ကဲ့။ ပထမဦးဆုံး ပြောတာကတော့ ဆရာတော် ဦးခေမာပါ။ ဆရာတော် ဦးခေမာဆိုတာက ဘုရားကြီး အလယ်တိုက်ကြီးက ဆရာတော်ပါ။ ဦးခေမာက အကျဉ်းချုံးပြီးတော့ ဒီ အကြမ်းဖက်မှုတွေကို ရှုတ်ချတယ်။ ဘာသာတရားနဲ့ ပတ်သက်တဲ့ဟာ မဟုတ်ဘူး။ အကြမ်းဖက်မှုတွေကို လုံးဝ လက်မခံနိုင်ဘူးဆိုတဲ့ အကြောင်းအရာမျိုးနဲ့ပတ်သက်ပြီး ဆရာတော် ဦးခေမာက ပြောပါတယ် ခင်ဗျ။ မွတ်စလင်အဖွဲ့ KSPK က ဆရာဦး သိန်းဝင်းအောင်ကနေပြီးတော့လည်း ဒုတိယမြောက် ပြောပါတယ်။ သူကလည်း ဘာသာပေါင်းစုံ ညီညွတ်ရေးအနေနဲ့ ဦးတည်ပြီးတော့ အနည်းငယ် ပြောကြပါတယ် ခင်ဗျ။ အဲဒါတွေ ပြီးတော့ လူမျိုးရေး၊ ဘာသာရေး အဓိကရုဏ်း မဖြစ်စေရ - ဆိုတဲ့ စာတန်းလေးတွေ ရေးထားတဲ့  တီရှပ်လေးတွေ ဆင်တူဝတ်ပြီးတော့ တယောက်ရဲ့လက်ထဲမှာ ဖုရောင်းတိုင်လေးတွေ ကိုင်ပြီးတော့ တပြိုင်နက်တည်း မီးထွန်းပြီးတော့ ငြိမ်သက်စွာ ဆယ်မိနစ်ခန့် ဆုတောင်းကြပါတယ် ခင်ဗျ။ အားလုံးက ကိုယ့်ဘာသာနဲ့ ကိုယ့်ယုံကြည်ချက်အတိုင်းပဲ စေတီတော်လေးမှာ မွတ်စလင်ရော၊ ခရစ်ယာန်ရော၊ ဗုဒ္ဓဘာသာရော မခွဲခြားဘဲနဲ့ အားလုံး ကိုယ့်ယုံကြည်ရာ၊ ယုံကြည်ရာကိုပဲ ဖုရောင်းတိုင်မီးထွန်းပြီး ဆုတောင်းခဲ့ကြပါတယ် ခင်ဗျ။”


ဒီဘာသာပေါင်းစုံ ဆုတောင်းပွဲကိုတော့ မန္တလေးမြို့မှာရှိတဲ့ လူမှုရေးနဲ့ ဘာသာရေးအဖွဲ့အစည်းတွေက မိမိအသိစိတ်ဓါတ်နဲ့ ၀ိုင်းဝန်း လုပ်ဆောင်ကြတာဖြစ်ပြီး လူ ၂၀၀ လောက် တက်ရောက်တယ်လို့ ကိုနိုင်က ပြောပါတယ်။


ဒီကနေ့မှာတော့ မိတ္ထီလာအပါအ၀င် ဆူပူမှုတွေ ဖြစ်ပွားခဲ့ မြို့နယ်တွေအားလုံးမှာ နောက်ထပ် ဆူပူမှုတွေ ထပ်မဖြစ်တော့ပေမယ့်လည်း မနေ့က ညပိုင်းအထိ ကြိုကြား ဆူပူမှုတချို့ရှိခဲ့တယ်လို့ ပြန်ကြားရေးဝန်ကြီးဌာန ဒုတိယ၀န်ကြီး ဦးရဲထဋ်က ပြောပါတယ်။

“၂၈ ရက်နေ့မှာ တချို့ အသေးအမွှားလေးတွေ ဖြစ်တာ ရှိတယ်။ ဒါပေမဲ့ တချို့နေရာတွေမှာတော့ ရဲတပ်ဖွဲ့နဲ့ လုံခြုံရေးတပ်ဖွဲ့တွေက ခြောက်လှန့် ပစ်ခတ်ပြီးတော့ လူစုခွဲခဲ့ရတာတွေလည်း ရှိပါတယ်။”

ပြန်ကြားရေးဝန်ကြီးဌာက ဒီကနေ့ နောက်ဆုံး ထုတ်ပြန်တဲ့ သတင်းတွေအရကတော့ ဆူပူမှုတွေကြောင့် သေဆုံးသူ ၄၃ ဦးရှိခဲ့ပြီး ဒဏ်ရာရသူ ၈၆ ဦးရှိတယ်လို့ ဖော်ပြထားပါတယ် ခင်ဗျား။

Read more »